Hafðu samband
Taktu skrefið að bættum lífsgæðum. Fylltu út upplýsingarnar hér að neðan og ég verð í sambandi til að svara spurningum og bóka fund með mér.
Ég er fjölskyldufræðingur og náms- og starfsráðgjafi með fjölbreyttan bakgrunn úr námi og störfum. Ég brenn fyrir málefnum fjölskyldna og snemmtækri íhlutun, sérstaklega hvað varðar börn og ungmenni og vellíðan (wellbeing) einstaklingsins.
Ég styðst við jákvæða sálfræði ásamt hugrænni atferlismeðferð (HAM) í minni meðferðarvinnu en nýti einnig verkfæri úr núvitund (Mindfulness) og ACT (Acceptance and Commitment Therapy), allt eftir þörfum hvers og eins.
Ég legg áherslu á að mynda gott meðferðarsamband við skjólstæðinga mína, byggja upp öryggi og traust og mæta þeim þar sem þeir eru staddir hverju sinni. Jafnframt hef ég tileinkað mér sáttamiðlun og öðlast hæfni í fjölbreyttum ráðgjafar- og meðferðaraðferðum, þar með talið markþjálfun, stjúptengslum og skilnaðarráðgjöf (SES- samvinna eftir skilnað).
Ásamt ráðgjöfinni hef ég mikla reynslu af fyrirlestra- og námskeiðahaldi fyrir börn og fullorðna, fyrirtæki og stofnanir.